Partizani ka mposhtur Teutën me shifrat 2-0 në “Niko Dovana”.

Goli i parë i sfidës erdhi nga Arinaldo Rrapaj në minutën e 59’-të. Ndërsa në të 89’ Kristian Mba vulosi duelin.

Në këtë ndeshje përveç trajnerit Veselinoviç debutuan edhe futbollistët Rrok Toma me Mateo Shanaj, afrime të ditëve të fundit tek të dyja skuadrat.

Me këtë fitore, Partizani shkon në kuotën e 6 pikëve ndërsa Teuta mbetet me 3 pikë.

TEUTA 0-2 PARTIZANI

59′ Rrapaj, 89′ Mba

NGJARJET KRYESORE

90’+6′ Mbyllet sfida, fiton Partizani!

90’+3′ Largohet Tedi Cara, ka minuta për Albers Keko.

90′ Akordohen 5 minuta shtesë.

89′ GOOOL PARTIZANI 0-2/ Kristian Mba kalon dy kundërshtar dhe gjuan drejt portës, Tafas pret dhe topi kthehet më pas Mba nuk fal dhe shënon golin e dytë. (VIDEO)

89′ Debuton edhe Mateo Shanaj, ka minuta për futbollistin pas daljes nga loja të Ismailit.

85’ Preknicaj pretendon për 11-metërsh pas përballes me Sembene, arbitri vijon lojën. (VIDEO)

83’ Peposhi gjuan me të djathtën potente, por nuk ka shënjestrën e duhur. (VIDEO)

80′ Debuton Rrok Toma, futet në lojë në vend të Vilës.

78’ Rrapaj tenton të gjejë golin e dytë por nuk ka shënjestrën e duhur. (VIDEO)

77′ Marku ndëshkohet me karton të verdhë.

76’ Largohet Zeka, në lojë futet Bintsuka.

74’ Vila pretendon se ka prekje të topit me dorë nga ana e të kuqve dhe kërkojnë faull. (VIDEO)

65′ Lloci lë fushën e lojës, ka minuta për Ergys Peposhin.

59’ GOOOL PARTIZANI 0-1/ Aksion fantastik, Mba gjuan drejt portës Tafas e pret dhe e kthen topin. Aty është Rrapaj i cili nuk fal dhe zhbllokon shifrat (VIDEO)

58’ Teuta shfaqet sërish rrezikshëm , kësaj here me Nasr që I shkon pranë golit. (VIDEO)

57′ Largohet Demircani, në vend të tij hyn Preknicaj.

55’ Zeka cliron të majtën, por gabon me shënjestrën pasi topi shkon mbi traversë. (VIDEO)

52′ Beqja ndëshkohet me karton të verdhë për protesta.

50’ Cara driblon kundërshtarët dhe tenton të godasë, por mbyllet mirë nga mbrojtja durrsake. (VIDEO)

47’ Jazxhi ndëshkohet me karton të verdhë pas një ndërhyrje ndaj Carës.

46’ Buxhelaj gjuan nga jashtë zonës, topi shkon jashtë. (VIDEO)

46′ Nis pjesa e dytë pa ndryshime.

45’+3′ Mbyllet pjesa e parë e sfidës!

45’+3′ Rrapaj gjuan nga goditja e lirë por topi shkon jashtë. (VIDEO)

45’+1’ Rrapaj provon golin, Tafas mban portën e paprekur. (VIDEO)

45’+2′ Akordohen 2 minuta shtesë.

45′ Rrapaj ndëshkohet me karton të verdhë.

45’ Lloci gjuan nga goditja e lirë, Qirko bën heroin për Partizanin. (VIDEO)

43’ Ismaili ndëshkohet me karton të verdhë për shkak të ndërhyrjes së gabuar ndaj një futbollisti të Teutës.

41’ Cara provon të gjejë golin dhe gjuan drejt portës së Teutës, por Tafas tregohet i vëmendshëm dhe arrin ta presë gjuajtjen. (VIDEO)

39’ Lloci i nxjerr një top të mirë Krujës, ky i fundit gjuan por Qirko mban portën e paprekur. (VIDEO)

37’ Rrapaj tenton të nxjerr një top për Mba, por Jazxhi arrin të mbyll aksionin e Partizanit. (VIDEO)

30′ Kristian Mba shumë pranë golit të avantazhit, por topi shkon jashtë. (VIDEO)

28′ Pas një harkimi në zonë, Jazxhi gjuan me kokë por nuk shënjestron si duhet portën. (VIDEO)

25′ Boçi i nxjerr një top fantastik Nasr, ky i fundit nuk arrin ta kapë dhe sfera shkon në duart e Qirkos. (VIDEO)

16’ Nasr gjuan drejt portës, por Qirko bën detyrën. (VIDEO)

13′ Ismaili lëshon të majtën potente, por nuk ka shënjestër. (VIDEO)

11′ Teuta shfaqet rrezikshëm para portës së Qirkos, por një mbrojtës i Partizanit e largon topin në kohën e duhur. (VIDEO)

5’ Kruja harkon nga goditja e dënimit drejt zonës, Sembene largon rrezikun. (VIDEO)

1′ Starton dueli!

FORMACIONET ZYRTARE

TEUTA: Tafas, Marku, Jazxhi, Beqja, Nasr, Kruja, Kotobelli, Lloci, Peposhi, Vila, Demircani

Trajner: Edi Martini

PARTIZANI: Qirko, Bytyçi, Mehmeti, Ismaili, Zeka, Cara, Buxhelaj, Sembene, Hadroj, Mba, Rrapaj

Trajner: Aleksandar Veselinoviç

PANORAMASPORT.AL

NDIQE LIVE "PANORAMA TV"

---