Ka zgjatur vetëm disa muaj aventura e Hasan Gurabardhit në drejtim të Partizanit të volejbollit për femra.

Trajneri ka dhënë dje dorëheqjen e parevokueshme nga pankina e skuadrës kryeqytetase. Gjatë një komunikimi me “Panorama Sport”, Gurabardhi ka bërë të ditur se e ka mbyllur bashkëpunimin me të kuqet për arsye familjare, pasi së shpejti do të zhvendoset për të jetuar në Gjermani pranë fëmijëve.

Nën drejtimin e Gurabardhit në këtë pjesë të parë të sezonit, Partizani ka pasur një ecuri pozitive, duke e mbyllur fazën e parë në vendit të dytë me 6 fitore dhe 1 humbje në kampionat. Ndërsa gjithashtu mbetet për t’u theksuar se të kuqet janë ekipi i vetëm nga pretendentet për trofe që përfaqësohen me përbërje tërësisht shqiptare, duke mos afruar asnjë lojtare të huaj.

Me largimin e Hasan Gurabardhit, Partizani do të drejtohet nga zëvendës trajneri Andi Lundra, ndërsa mbetet për t’u parë nëse kjo do të jetë një zgjedhje momentale, apo do t’i besohet ekipi deri në fund të sezonit.

PANORAMASPORT.AL

NDIQE LIVE "PANORAMA TV"

---