Kupa e Shqipërisë në volejboll për meshkuj ka mbyllur javën e tretë me ndeshjen e së shtunës ndërmjet Tiranës dhe Elbasanit për Grupin B.

Asnjë surprizë në këtë takim, teksa bardheblutë e Arben Sakos fituan me rezultatin e pastër 3-0, duke e hipotekuar fitoren për 66 minuta lojë. Në tri setet Tirana e kontrolloi lojën pa probleme, duke fituar përkatësisht 25-22, 25-18 dhe 25-20.

Një sukses që i ngjit kryeqytetasit në vendin e dytë në Grupin B. Në takimin tjetër të këtij grupi, Vllaznia mundi Skënderbeun te premten në shifrat 3-2. Në të njëjtën ditë u zhvillua edhe sfida e Grupit A, me Partizanin që triumfoi 0-3 kundër Teutës në Durrës.

PANORAMASPORT.AL

NDIQE LIVE "PANORAMA TV"

---