Kalimi i Viktor Osimhen te Gallatasaraji Stamboll është padyshim një nga më spektakolarët e kësaj vere. Kampionët rekord të Turqisë e kanë huazuar sulmuesin 25-vjeçar deri në fund të sezonit pas një mosmarrëveshjeje mes tij dhe drejtuesve të klubit në Napoli dhe përpjekjet për t’u transferuar në një ekip të lartë europian, dështuan.

Siç raportojnë portali turk “A Spor” dhe “The Athletic”, Osimhen ka një klauzolë në kontratën e tij të huazimit që i lejon atij të largohet nga Gallatasaraji në fillim të dimrit. Ajo që është interesante është se ky opsion ekziston vetëm për një numër të caktuar klubesh, një prej tyre është Bajerni. Përveç bavarezëve, në listë janë edhe Arsenali, Liverpul, Çelsi, Real Madrid dhe PSG.

Interesant është fakti se Osimhen thuhet se ka rënë dakord për uljen e klauzolës së lirimit me Napolin si pjesë e huazimit, e cila tani shkon në 75 milionë euro. Në verë kjo ishte ende 130 milionë euro. Nëse “pyka” nigeriane e përdor këtë klauzolë në janar, Gallatasaraji do të merrte një pjesë të tarifës së transferimit.

Edhe pse Bajerni ka qenë vazhdimisht i lidhur me Osimhen në të kaluarën dhe ka pasur diskutime të avancuara mes klubit dhe lojtarit në verën e vitit 2023, një lëvizje në Mynih është shumë joreale. Gjigandët nga Mynihu ka një nga sulmues më të mirë në qarkullim, Herri Kejn. Ata kanë gjithashtu një rezervë të re për anglezin në si Matis Tel. Një problem tjetër sipas raportimeve, Osimhen merr një pagë neto vjetore prej dhjetë milionë eurosh te kryeqytetasit turk.

PANORAMASPORT.AL

NDIQE LIVE "PANORAMA TV"

---