Talenti shqiptar, Matteo Dashi, ka hedhur një hap të rëndësishëm në karrierën e tij, teksa ka firmosur kontratë si profesionist me klubin e Kristal Palas, që militon në elitën e futbollit anglez.  

Mesfushori 17-vjeçar ka luajtur edicionin e shkuar me ekipin U18 të Kristal Palas, por duke parë cilësitë e tij, klubi ka vendosur që ta “blindojë”, duke i ofruar një kontratë 2-vjeçare. 

Dashi është kontigjent i Shqipërisë U-17, ku është aktivizuar 11 ndeshje me fanellën kuqezi. 

Kjo është hera e parë që Kristal Palas i ofron një kontratë profesionisti një lojtari të vitit 2007, i cili ende nuk ka mbushur 18-vjeç, çka tregon se Dashi ka kaluar pritshmëritë. 

Në edicionin e kaluar me ekipin e 18-vjeçarëve, Dashi u aktivizua 25 ndeshje në kampionat, ku shënoi 4 gola si dhe regjistroi 4 asiste.   

PANORAMASPORT.AL

NDIQE LIVE "PANORAMA TV"

---