Kukësi ka prezantuar Argel Avdiun si transferimin e parë në merkaton e dimrit. Mesfushori afrohet te verilindorët siç “Panorama Sport” kishte raportuar, pasi mbylli bashkëpunimin me Vorën.

Kukësi prezantoi sot dhe stafin e ri teknik. Alfred Allamani është ulur në stol ndërsa ndihmës ka Vilfor Hysën.

Njoftimi i Kukësit:

“Futboll Klub Kukësi njofton se mesfushori Argel Avdiu është zyrtarisht pjesë e skuadrës sonë!

Avdiu do të mbajë veshur fanellën e Kukësit për dy sezone e gjysmë, duke qenë në këtë mënyrë lojtari më i ri në skuadër.

Këtë sezon, 22-vjeçari ishte pjesë e Vorës, teksa në të shkuarën ka luajtur edhe me Erzenin si edhe me Shqipërinë U21. Mirë se vjen Argel”.

PANORAMASPORT.AL

NDIQE LIVE "PANORAMA TV"

---