Tashmë është zyrtare, Tami Abraham i bashkohet Milanit në formë huazimi nga Roma. Ish-sulmuesi i Çelsit bëhet pjesë e kuqezinjve në një marrëveshje huazimi pa opsionin e blerjes, kështu që ai do të mbetet pjesë e tyre deri në qershor të vitit të ardhshëm. 

Ky njoftim u bë menjëherë pasi Roma bëri të ditur transferimin e Aleksis Saelemaekers, i cili iu bashkua kryeqytetasve nga Milani në formë huazimi. 

Abraham bëhet kështu afrimi i pestë i Milanit gjatë kësaj merkato vere, pasi më herët ishin transferuar, Alvaro Moratan, Jusuf Fofanan, Emerson Rojal dhe Strahinja Pavlovic. 

Abraham tani po luan sezonin e tij të katërt në Serinë A, ndërsa kujtojmë se e kishte nisur mjaft mirë aventurën e tij në Itali me 17 gola të shënuar në sezonin 2021/2022, megjithëse më pas shënoi vetëm tetë sezonin vijues. 

Anglezi fatkeqësisht kishte pësuar një lëndim të ligamenteve në xhiron e fundit të sezonit 2022/2023 dhe për këtë arsye ai pati vetëm tetë paraqitje në Serie A gjatë sezonit 2023/2024. 

 

Sharpening our attack ⚔️ @tammyabraham #DNACMilan #SempreMilan

— AC Milan (@acmilan) August 30, 2024

PANORAMASPORT.AL

NDIQE LIVE "PANORAMA TV"

---