Lojtari i Ganës U-20 vishet bardhekuq…

FK Bylis Mallakastër zyrtarizon marrëveshjen dhe prezanton lojtarin e talentuar nga Gana, Mccarthy Ofori, i datëlindjes 3 Mars 2005 (19-vjeç). Ky i fundit do të mbajë veshur fanelën bardhekuqe për 4-vitet e ardhshme, pasi klubi ynë ka gjetur marrëveshjen me ekipin e Superligës ganeze, “FC Dreams”.

Ofori, i cili luan në pozicionin e mbrojtësit si dhe mesfushor (nr. 6-sh), mban veshur edhe fanelën e përfaqësueses U-20 të Shtetit të Ganës, ku ka luajtur edhe 6 ndeshje.

Klubi i uron mirëseardhjen në gjirin e familjes sonë të madhe ganezit 19-vjeçar, Mccarthy Ofori dhe një prezantim sa më dinjitoz në Superiore këtë sezon me ngjyrat bardhekuqe.