Kryeministri Edi Rama ka thumbuar kreun e PD-së, Sali Berisha nga takimi në Londër me emigrantët, teksa e ka quajtr “Sudja e plakur që ulërin nga maja e pallatit”.
“Janë tezga të reja dhe vjetra që shesin qilima fluturues si Sudja, Rrapushi, janë po ata, Sudja me fytyra të ndryshme”, u shpreh Rama.
Kreu i qeverisë theksoi se “të ishte për këta Shqipëria s’do e bënte kurrë reformën në drejtësi”.
Edi Rama: Janë tezga të reja dhe vjetra që shesin qilima fluturues si Sudja, Rrapushi. Janë po ata, Sudja me fytyra të ndryshme, Sudja e plakur që ulërin nga maja e pallatit apo Sudja e re që vjen vërdallë duke takuar emigrantë duke thënë “Shqipërinë e bëj unë”.
Të ishte për këta Shqipëria s’do e bënte kurrë reformën në drejtësi, s’do e godiste kurrë korrupsionin pa dallim ngjyrash.
S’do e shihnin që një ministër apo politikan i partisë në pushtet të merrej nga drejtësia, të hetohej dhe të dënohej sepse kurrë nuk e kanë parë shqiptarët që nga krijimi shtetit shqiptar.
NDIQE LIVE "PANORAMA TV" © Panorama.al
