Detaje të reja janë raportuar nga mediat ndërkombëtare lidhur me sulmin Iranian mbrëmjen e sotme kundrejt Izraelit.
Sipas Reuters, një zyrtar i lartë ka bërë më dije se Teherani informoi Rusinë përpara sulmeve me raketa ndaj Izraelit.
Zyrtari tha gjithashtu se SHBA-ja ishte alarmuar nga Irani përmes kanaleve diplomatike pak para sulmeve.
Kujtojmë se Rusia dhe Irani kanë forcuar lidhjet në mes të luftës në Ukrainë, pasi Irani furnizon Moskën me raketa balistike për luftën e saj.
Muajin e kaluar, Antony Blinken, sekretari amerikan i shtetit, tha gjithashtu se SHBA besonte se ushtria ruse kishte marrë dërgesa të raketave balistike iraniane me rreze të shkurtër veprimi Fath-360 nga Irani.
NDIQE LIVE "PANORAMA TV" © Panorama.al
