Zelanda e Re do të zbatojë një ndalim pothuajse total të pirjes së duhanit nga viti i ardhshëm.
Sipas një legjislacioni të miratuar nga parlamenti të martën do të thotë se kushdo që ka lindur pas vitit 2008 nuk do të mund të blejë kurrë cigare apo produkte duhani.
Numri i njerëzve që mund të blejnë duhan do të tkurret çdo vit. Deri në vitin 2050, për shembull, 40-vjeçarët do të jenë shumë të rinj për të blerë cigare.
Ministrja e Shëndetësisë Ayesha Verrall, e cila prezantoi projektligjin, tha se ishte një hap “drejt një të ardhmeje pa duhan”.
“Mijëra njerëz do të jetojnë më gjatë, do kenë jetë më të shëndetshme dhe sistemi shëndetësor do të jetë 3.2 miliardë dollarë më mirë nga fakti që njerëzit nuk do të trajtohet për sëmundjet e shkaktuara nga pirja e duhanit”, tha Verrall.
Norma e duhanpirjes në Zelandën e Re është tashmë në nivelet më të ulëta historike, ku vetëm 8% të të rriturve pinë duhan çdo ditë sipas statistikave të qeverisë të publikuara në nëntor, në rënie nga 9.4% vitin e kaluar.
Shpresohet se ky projektligj do ta zvogëlojë atë numër në më pak se 5% deri në vitin 2025, me qëllimin përfundimtar për të eliminuar plotësisht pirjen e duhanit.
Projektligji është krijuar gjithashtu për të kufizuar numrin e shitësve me pakicë që shesin produkte të duhanit dhe të reduktojë nivelet e nikotinës në produkte për t’i bërë ato më pak të varura.
“Kjo do të thotë se nikotina do të reduktohet në nivele jo të varësisë dhe komunitetet do të jenë të lira nga përhapja dhe grumbullimi i shitësve me pakicë që synojnë dhe shesin produkte të duhanit në zona të caktuara,” tha Verrall.
Legjislacioni i ri nuk ndalon produktet vape, të cilat janë bërë shumë më të njohura në mesin e brezave të rinj sesa cigaret.
Kritikët e projektligjit – duke përfshirë partinë ACT e cila mban 10 vende në parlament – kanë paralajmëruar se politika mund të nxisë një treg të zi të produkteve të duhanit dhe të shkatërrojë dyqanet e vogla.
“Askush nuk dëshiron të shohë njerëzit të pinë duhan, por realiteti është se disa do e bëjnë dhe ky ndalim do të shkaktojë probleme,” tha Zëvendës Drejtuesi i ACT, Brooke van Velden.
NDIQE LIVE "PANORAMA TV" © Panorama.al
