Interi arriti fitoren e katërt radhazi në Champions dhe falë barazimit 0-0 kundër Mançester Sitit ka një ecuri të jashtëzakonshme në fillimin europian. Është skuadër e pamposhtur dhe pa pësuar gol. Ky format i ri i këtij kompeticioni mund të sjellë lumturi.
Interi ka filluar të ëndërrojë dhe ëndrrat janë falas. Me kalimin në turin e radhës sigurisht që këto ëndrra mund të bëhen realitet, por vetëm duke qëndruar me këmbë në tokë. Fitorja kundër Lajpcigut ishte përgjigjja se cili është objektivi i Interit në këtë sezon të Championsit:
Sigurisht që ta fitojë. Dhe është e vërtetë që të fitosh të ndihmon të fitosh. Katër ndeshje radhazi me fitore dhe pa pësuar gol është një sinjal që të besuarit e Inzagit i japin të gjithë Europës. Rrotacioni i tij nuk përbën më lajm, sepse pavarësisht se kush luan rezultati është i njëjtë.
“Për mua janë të gjithë titullarë”, ka thënë disa herë trajneri nga Piaçenca. Sepse ai bën zgjedhjet dhe lojtarët i pranojnë të gjitha ato pa bërë polemika. Pak rëndësi ka nëse luan Taremi apo Turam në sulm, pak ndryshon. Çdo lojtar është i rëndësishëm në lojën e Inzagit dhe trajneri e di që mund të mbështetet tek të gjithë. Imagjino kur rivalët shënojnë edhe autogol.
Por gjithçka është e merituar. Në ndeshjen e “San Siros” të fituar 1-0 ka shumë mesazhe të tjera. Ka dëshirë nga zikaltrit për të diktuar menjëherë ritmin e ndeshjes, për të futur në një cep kundërshtarin dhe për të marrë maksimumin me sforcot minimale. Edhe pse për të thënë të vërtetën nuk ishte ndeshje e qetë për t’u menaxhuar.
Duartrokitje për rezultatin, por ndonjë tërheqje veshi e meriton skuadra e Inzagit. Si mund të mos e mbyllësh këtë ndeshje të dominuar dhe të trembësh tifozët në aksionin e fundit për të pësuar golin e barazimit. Një 10 minutësh i fikur mund të kushtonte shtrenjtë.
Por Interi nuk e fitoi ndeshjen kurrsesi me fat. Ka gjetur kompaktësinë dhe është një tjetër skuadër në krahasim me sezonin e kaluar. Në Milano kanë nisur që të ëndërrojnë Champions-in edhe pse nuk është aspak e lehtë. Kompeticionet e tilla fitohen pas muajit janar. Aty ekipi duhet të tregojë forcën.
PANORAMASPORT.AL
NDIQE LIVE "PANORAMA TV" © Panorama.al
