Moment delikat në kampionatin e Realit për të ruajtur rimin e rigjetur pas fitores së fundjavës, megjithatë në kuadër të ndeshjes së sotme ndaj Atletikos së Bilbaos (sot në 21:00) Karlo Ançeloti predikon qetësi. Dhe e bën këtë në konferencë për shtyp duke komentuar të gjitha temat e momentit madrilen.
Cilat janë çelësat e ndeshjes me Bilbaon?
Do të jetë një ndeshje sfiduese dhe e komplikuar, në një atmosferë të shkëlqyer dhe kundër një rivali të madh. Jemi në një moment pozitiv dhe shpresojmë të nxjerrim më të mirën nga vetja. Bilbao po ecën shumë mirë. Është një ekip intensiv, shumë i organizuar dhe me cilësi individuale. Një nga skuadrat më të mira në Spanjë.
Kush do të ekzekutojë penalltinë e radhës, Bellingam apo Mbape?
Nesër do të zgjedhin vetë djemtë. Nuk besoj kjo nuk është një temë për diskutim. Ndaj Getafes duket se Mbape jep një imazh pasigurie, por ne e shohim si një akt përgjegjësie dhe altruizmi dhe këto janë dy aspekte shumë të rëndësishme për ne. Altruizmi i një talenti të madh si Mbape është një akt që ne e vlerësojmë shumë.
A i bëjnë edhe më të mëdhenj këto gjeste (dhënie penalltie)?
Për mua po. Ne e vlerësojmë shumë aktin e vetëmohimit, Kilië mund të jetë talenti më i madh që ekziston në futboll dhe e vendos atë talent të jashtëzakonshëm në dispozicion të skuadrës. Është diçka që më intereson shumë. Dhe çfarë u thoni atëherë atyre që flasin për mungesë lidershipi? E vlerësoj kështu, është një akt shumë i rëndësishëm për ekipin dhe kolegët. Të gjithë, në dhomat e zhveshjes dhe në klub, e vlerësojnë. Kur ka altruizëm dhe talent, do të thotë se jeni në rrugën e duhur.
Po kërkoni lojtarë me një profil më mbrojtës në të djathtë?
Krahu i djathtë ka më shumë detyrime mbrojtëse ashtu si i majti, prandaj shpesh vendos një brendshme si Bellingam në krahun e majtë ose Brahim. Secili ka karakteristikat e veta, ne duhet t’i përshtatim ato me sistemin që kemi vendosur.
Tani ku duhet më shumë Tçuameni, në mbrojtje apo mesfushë?
Ajo që duhet të mendojmë është se është mirë që ai është kthyer. Oreljë ka treguar dobi në nivel mbrojtës, si qendërmbrojtës apo regjisor. Për ne ai është një lojtar shumë i rëndësishëm, sepse na jep centimetra edhe në goditjet zonale, një aspekt që na ka bërë të vuajmë së fundmi.
Si e shikoni skuadrën tani?
Shumë mirë. Me gjithë vështirësitë që kemi pasur gjatë kësaj periudhe, jemi aty duke luftuar në të gjitha fronte. Askush nga ne nuk mendon se mund të fitojmë trofe që në dhjetor, por duhet të luftojmë dhe, pavarësisht urgjencës që patëm, jemi atje, si gjithmonë. Kur të kthehen Vinicius, Kamavinga, Alaba dhe të tjerë do të luftojmë edhe më shumë.
REINOLD BAKALLI-PANORAMASPORT.AL
NDIQE LIVE "PANORAMA TV" © Panorama.al
