Të paktën 94 persona kanë humbur jetën në Nigerinë veriore, si pasojë e shpërthimit të një cisterne me karburant, e cila ishte përfshirë më herët në aksident.
CNN bën me dije se nga shpërthimi humbën jetën të paktën 94 persona, banorë të zonës ku ndodhi shpërthimi, të cilët i ishin afruar cisternës për të mbledhur karburantin që ishte derdhur në rrugë pas shpërthimit.
Burimet lokale raportojnë se numri i viktimave pritet të rritet në orët në vijim.
Gjithashtu mësohet se nga shpërthimi kanë mbetur të lënduar rreth 50 persona.
Ngjarja tragjike ndodhi pasditen e së martës në fshatin Majiya.
NDIQE LIVE "PANORAMA TV" © Panorama.al
