Vladimir Putin ka zbuluar se kush dëshiron të fitojë zgjedhjet presidenciale në SHBA në nëntor.
Duke folur në Forumin Ekonomik Lindor, ai tha se demokratja Kamala Harris ishte zgjedhja e preferuar e Rusisë.
Ai tha se e qeshura e saj është “aq infektive“.
Mund të jetë një surprizë pasi ai është dukur më parë miqësor me Donald Trump, kandidatin republikan dhe ish-presidentin e SHBA.
Por në fillim të këtij viti, kur Biden ishte ende kandidati demokrat, Putin tha se e preferonte Trump sepse Biden ishte një politikan më i parashikueshëm i “shkollës së vjetër”.
Sot ai tha, ndërsa Biden rekomandoi mbështetje për Harris, Rusia do të bëjë të njëjtën gjë.
Komentet e tij vijnë një ditë pasi administrata Biden kapi faqet e internetit të drejtuara nga Kremlini, akuzoi dy punonjës të medias shtetërore ruse dhe lëshoi sanksione të reja në një luftë kundër asaj që shihet si përpjekje ruse për të përhapur dezinformata përpara zgjedhjeve.
Në fjalimin e tij, Putin kritikoi gjithashtu arrestimin nga Franca të themeluesit të Telegram, Pavel Durov.
Presidenti rus tha se nuk e kupton pse Franca ka ndërmarrë veprime ligjore kundër shefit të mediave sociale me origjinë ruse dhe tha se lëvizjet franceze kishin një “karakter selektiv”.
NDIQE LIVE "PANORAMA TV" © Panorama.al
