Zëvendëspresidentja amerikane Kamala Harris nuk ka pranuar zyrtarisht rezultatin, pavarësisht se parashikimet tregojnë se Donald Trump ka fituar bindshëm zgjedhjet në SHBA.
Trump shpalli fitoren e tij herët në orën 2:30 të mëngjesit (00:30 me orën e Shqipërisë), tre orë përpara se të siguronte 270 votat elektorale të nevojshme.
Por ende nuk kemi dëgjuar asgjë zyrtare nga kampi i Kamala Harris.
Mbrëmë, ekipi e saj u thanë përkrahesve që ishin mbledhur duke festuar në Uashington DC, që të shkonin në shtëpi, duke shtuar se ajo nuk do të shfaqej për të folur para tyre.
Mësohet se Kamala Harris shkoi në rezidencën e zëvendëspresidentit për të kaluar natën.
Harris planifikon të flasë sot, megjithëse nuk kemi pasur detaje të mëtejshme se kur ekzaktësisht.
Rezultati i sotëm shënon një humbje të thellë për Kamala Harris dhe Partinë Demokratike, të cilët kanë humbur gjithashtu kontrollin e Senatit dhe ende mund të humbasin Dhomën e Përfaqësuesve.
NDIQE LIVE "PANORAMA TV" © Panorama.al
