14-vjeçari që u ndalua disa ditë më parë nga policia pasi iu gjet një armë zjarri tip pistoletë dhe një sasi fishekësh, ka folur për emisionin “Me Zemër të Hapur” të moderatores Evis Ahmeti në ekranin e News 24.
Kujtojmë se pas ndalimit nga policia adoleshenti i la i lirë nga autoritetet.
Në prononcimin për News 24 adoleshenti u shpreh i penduar, ndërsa tha se i ka kërkuar faljes nënës dhe babait të tij.
Gjithashtu ai tha se pas ngjarjes ka ndjerë ndryshim në mënyrën se si e shohin bashkëmoshatarët në shkolle.
“Në shkollë më pritën mirë, por ndihesha sikur më shikonin me një sy tjetër, sikur jam ndonjë kriminel. Nga mësuesit u prita shumë mirë…jam penduar shumë për atë që kam bërë. Nuk e kam shpërndarë armën në rrjetet sociale. I kam kërkuar ndjesë babait dhe nënës. Jam ndjerë shumë i penduar”, tha adoleshenti.
NDIQE LIVE "PANORAMA TV" © Panorama.al
