Në kuadër të megaoperacionit “Territor i pastër”, është vënë në pranga 62-vjeçari, Fran Vocaj në Malësinë e Madhe.
62-vjeçari u kap në flagrancë teksa po kujdesej për bimët narkotike që kishte kultivuar në fshatin Ivanaj, ndërsa bimët janë asgjësuar më pas nëpërmjet djegies.
Njoftimi i policisë:
Malësi e Madhe/Vijojnë kontrollet dhe hetimet proaktive, në kuadër të megaoperacionit policor antidrogë të koduar “Territor i pastër”.
U kap në flagrancë, teksa kujdesej për bimët narkotike që kishte kultivuar në fshatin Ivanaj, vihet në pranga 62-vjeçari.
Asgjësohen nëpërmjet djegies, bimët narkotike.
Si rezultat i një hetimi dyjavor me metoda proaktive, ndjekur në vijim të megaoperacionit “Territor i pastër” dhe në bashkëpunim me Prokurorinë e Shkodrës, për goditjen e një rasti të kultivimit të bimëve narkotike, në fshatin Ivanaj, Malësi e Madhe, Seksioni për Hetimin e Krimeve i Komisariatit të Policisë Malësi e Madhe arrestoi shtetasin F. V., 62 vjeç, banues në këtë fshat.
Ky shtetas u kap në flagrancë, duke u kujdesur për dhjetëra bimë narkotike që i kishte kultivuar në tokë publike.
Bimët narkotike u asgjësuan nëpërmjet djegies.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Vijon…
NDIQE LIVE "PANORAMA TV" © Panorama.al
