Klevis Balliu është shprehur se është i kënaqur që Donald Trump ka fituar zgjedhjet në Shtetet e Bashkuara të Amerikës.
I ftuar në emisionin ‘Log.’ në News24, te gazetarit Endri Xhafo, Balliu tha se Trump fitoi sepse u foli qytetarëve amerikanë realitetin.
“U kënaqa shumë që fitoi Trump. Mediat e botës e nxirrnin humbës në sondazhe. Nuk ka patur një sondazh që e nxirrnin humbës. Kjo vërtetoi një lojë tjetër, të tregojmë kujdes nga çfarë shikojmë e dëgjojmë. tregon se njerëzit nuk preken nga ajo që dëgjojnë, por realitetin. Ai i foli realitetit të qytetarëve”, tha Balliu.
Ndër të tjera demokrati tha se ishte i sigurt që do të ndodhë heqja e non gratës ndaj ish-kryeministrit Sali Berisha.
“Jam i sigurt që do të ndodhë heqja e non gratës së Berishës. Nëse ka patur ndonjëherë një fushatë, nuk ka qenë përballë Kamala Harris, por më shumë drejt Shoqërisë së Hapur. Këtë e amplifikoi më shumë edhe përfshirja e Elon Musk. Soros e ka kthyer Shqipërinë në Disney Land të tij. Tentakulat e kësaj shoqate janë të shtrira në të gjithë botën dhe për partinë demokratike është një rrezik i madh, ndërsa partinë kundërshtare e ndihmon”, tha ai.
NDIQE LIVE "PANORAMA TV" © Panorama.al
