Janë gjetur dy prej të miturve që u larguan nga qendra sociale në Elbasan. Uniformat blu raportojnë se 14-vjeçari dhe 13-vjeçari janë në gjendje të mirë dhe iu dorëzuan qendrës.
Ndërkohë vijon puna për zbulimin e vendndodhjes së 13-vjeçarit tjetër që u largua nga qendra sociale.
“Në vijim të informacionit të dhënë ditën e djeshme për largimin nga një qendër sociale të shtetasve të mitur, ju informojmë se janë gjetur dhe i janë dorëzuar qendrës, në gjendje të mirë shëndetsore, një 14-vjeçar dhe një 13-vjeçar. Vijon puna për gjetjen e 13-vjeçarit tjetër”, njofton policia.
NDIQE LIVE "PANORAMA TV" © Panorama.al
