Presidenti i Republikës, Ilir Meta ka uruar gazetarin Erion Skëndaj për vlerësimin nga Unioni i Gazetarëve Shqiptarë “Reporteri i Vitit”.
“Zëdhënës i pakompromis i interesit të opinionit publik dhe i spikatur mes kolegëve për kurajon e lartë”- kështu e ka konsideruar Kreu i Shtetit gazetarin Skëndaj, i cili sipas tij “ka rritur ndjeshmërinë e opinionit dhe ka nxitur reagime institucionale për zgjidhjen e tyre”.
“Veçanërisht gjatë këtij viti, duke raportuar pa u lodhur nga terreni për pasojat e rënda të pandemisë COVID-19 dhe mbi risqet e shumta për shëndetin e qytetarëve, Erjon Skëndaj është shndërruar në modelin e duhur të gazetarisë profesionale”, përfundon Meta.
Postimi i plotë:
Urime të përzemërta gazetarit të mirënjohur, Erjon Skëndaj, për vlerësimin plotësisht të merituar si ‘Reporteri i Vitit’, të dhënë nga Unioni i Gazetarëve Shqiptarë.
Zëdhënës i pakompromis i interesit të opinionit publik dhe i spikatur mes kolegëve për kurajon e lartë, Erjon Skëndaj përmes raportimeve për plagët sociale të shoqërisë, ka rritur ndjeshmërinë e opinionit dhe ka nxitur reagime institucionale për zgjidhjen e tyre.
Veçanërisht gjatë këtij viti, duke raportuar pa u lodhur nga terreni për pasojat e rënda të pandemisë COVID-19 dhe mbi risqet e shumta për shëndetin e qytetarëve, Erjon Skëndaj është shndërruar në modelin e duhur të gazetarisë profesionale.
NDIQE LIVE "PANORAMA TV" © Panorama.al
