Si asnjëherë tjetër, News24, BalkanWeb e Radio24, vijnë përpara teleshikuesve me programe festive shumë cilësore dedikuar familjes shqiptare.
Të mos harrojmë që këto programe festive filluan që në datën 7 Dhjetor me ciklin festiv “Na ishte njëherë Dhjetori”. Në datën 31 Dhjetor vjen për të gjithë Shqiptarët spektakli televiziv “Familja e madhe”, plot 6 orë argëtim me këngë, humor nga estradat shqiptare e muzikë instrumentale botërore nga ora 20:30 deri në orën 23:45, pas orës 00:00 do të ndiqni një buqetë eventesh të zgjedhura nga koncertet më të bukura dedikuar festave të Dhjetorit me pjesëmarrjen e artistëve Andre Rieu, Hauser, Helen Fischer, Michael Bubble dhe familja Botcelli, i cili do të zgjas 1 orë e 30 min.
Dhe nuk u mjaftuam me kaq…edhe për datën 1 Janar për të pritur sa më bukur fillimin e vitit të ri menduam t’ju sjellim një programacion festiv shumë të veçant, i cili do të fillojë që në orën 17:00 me premierën televizive “Shije artisti” në Prestige Garden ku recetat e veçanta të kompozitorit Gjergj Leka (që nga Giuseppe Verdi e deri tek Al Capone) do të ndërthuren me inserte ekskluzive dhe gatime nga kuzhina e Prestige Garden.
Në orën 20:00 në programin e mbrëmjes News24 sjell përpara teleshikuesit spektaklin “Gëzuar Europë” me këngë, humor, argëtim e risi të tjera nga disa vende të botës ku kompozitori Gjergj Leka me stafin e tij udhëtuan e filmuan enkas për këtë event.
Në orën 22:30 në programacion vjen spektakli “Soundtracks hits” me interpretimet më të bukura të kolonave zanore në mbarë botën nga Morricone tek Hans Zimmer, një event me një cilësi të lartë artistike ed interpretative.
Të gjitha këto evente festive të ideuara e realizuara nga producenti Gjergj Leka për News24, BalkanWeb e Radio24 vijnë për familjet shqiptare e plotësojnë shijet e çdo gjenerate.
Ju ftojmë të gjithëve përpara ekranit për të shijuar familjarisht këto evente si asnjë media tjetër vizive në ora 20:30 datë 31 Dhjetor, shikim të këndshëm!
NDIQE LIVE "PANORAMA TV" © Panorama.al
