Partizani ka ruajtur kryesimin në Superiore teksa ka marrë tre pikë të rëndësishme në transfertën në Korçë përballë Skënderbeut vendas.
Të dy skuadrat kishin mungesa të shumta për dëmtime apo pezullime, gjë që ka bërë që sfida të ishte me një ritëm më të ulët se zakonisht mes dy skuadrave, pavarësisht një atmosfere të zjarrtë në tribuna.
Rastet ishin me pikatore, pasi skuadrat gabuan shumë në lojë e tyre në ndërtimin e aksioneve. Partizani u tregua më i saktë para portës, me Bintsuka i cili shfrytëzoi rastet që u krijuan në secilën pjesë loje, për të vulosur një fitore 2-0 të të kuqve, t ë cilët vazhdojnë të mbajnë kreun. Ndërsa Skënderbeu duket se ka humbur edhe faktorin fushë, duke u dorëzuar për të dytën ndeshje radhazi përballë tifozerisë së vet dhe duke mbetur në zonë e rrezikshme të klasifikimit të Superiores.
SKËNDERBEU-PARTIZANI 0-2
15′, 90’+5′ Bintsuka
NGJARJET KRYESORE
90’+5’ Mbyllet ndeshja me fitoren 2-0 të Partizanit.
90’+5’ GOOOL PARTIZANI! Aksion i rrufeshëm i Carës në të majtën, pasimi i tij në qendër gjen Bintsukan i cili dërgon sferën në rrjetë. (VIDEO)
90′ Jepen 4 minuta shtesë.
90’ Domgjoni merr vendin e Buxhelajt në radhët e Partizanit.
89’ Kundërsulm i Partizanit me Carën i cili merr topin në të majtën por pastaj largohet shumë nga porta dhe gjuan jashtë. (VIDEO)
87’ Grezda hyn në fushë në vend të Krasniqit te Skënderbeu.
84’ Cara rrëzohet pas një depërtimi në zonë, Hamiti vazhdon lojën. (VIDEO)
84’ Shanaj merr vendin e Kotes te Partizani.
82’ Edhe Cara ndëshkohet me karton të verdhë për faull ndaj Rashicës.
76’ Pecani merr vendin e Çuçkës në radhët e Skënderbeut.
74′ Mehmeti ndëshkohet me karton të verdhë pas një dueli me Rashicën.
73’ Janjeva ka një mundësi të mirë për të dyfishuar shifrat por gjuajtja e tij ndalet nga Alia.
72’ Mehmeti dhe Cara hyjnë në fushë në vend të Taipit dhe Mba për Partizanin. Tare merr vendin e Merlim te Skënderbeu.
68’ Një top në thellësi gjen Rashicën i cili para Qirkos nuk ia del të gjejë portën. Korçarët kanë pretendime për penallti, por jo gjyqtari Hamiti, i cili ndëshkon edhe Krasniqin me të verdhë për protesta. (VIDEO)
67’ Merlim jep një pasim të mirë për Rezak në të djathtën por ai vonohet dhe nuk ia del të gjuajë në portë në pozicion të favorshëm.
63’ Çucka ndëshkohet me karton të verdhë.
60’ Bintsuka merr një top nga e djathta para portës por gjuan jashtë. Aksioni bëhet i pavlefshëm për një pozicion jashtë loje të Kotes që i dha pasimin.
57’ Rezak ul topin për Çuçkën i cili gjuan por nuk gjen as ai katërkendorin edhe pse në një pozicion të favorshëm në zonë. (VIDEO)
53’ Zbritje e shpejtë e Rashicës i cili nga e djathta gjuan pranë portës, por gabon plotësisht shënjestrën. (VIDEO)
51’ Një harkim në zonë nga e majta vë në vështirësi prapavijën e Skënderbeut, por asnjë nga sulmuesit e Partizanit nuk ia del të devijojë para portës.
46’ Nis pjesa e dytë e ndehsjes.
45’+2’ Mbyllet pjesa e parë me avantazhin 1-0 të Partizanit.
45’ Jepen 2 minuta shtesë.
43’ Qirko është vendimtar teksa bllokon gjuajtjen e Rashicës, të nisur i vetëm drejt portës. (VIDEO)
42’ Keko provon të gjejë rrjetën me një goditje dënimi, topi shkon lehtësisht në duart e portierit Alia. (VIDEO)
39’ Pas një aksioni nga krahu i djathtë i korçarëve, topi mbërrin te Rezak i cili gjuan në kufijtë e zonës, por fluturon sferën mbi traversë. (VIDEO)
28’-32’ Ndeshja ndërpritet për t’i ardhur në ndihmë Vaskez dhe Dumfur të dëmtuar gjatë përplasjeve me futbollistë të të kuqve. Në fund, të dy lojtarët kthehen në fushë pasi marrin ndihmën mjekësore.
25’ Janjeva ndëshkohet me karton të verdhë për një ndërhyrje ndaj Rashicës.
20’ Partizani çon përsëri topin në rrjetë me Kekon, por goli bëhet i pavlefshëm nga vërshëllima e Hamitit, i cili sinjalizon një faull të Mba gjatë aksionit. (VIDEO)
15’ GOOOL PARTIZANI! Keko nga e majta hyn në zonë, pasimi i tij devijohet nga Vaskez dhe kthehet në asist për Bintsuka i cili nuk gabon dhe shënon golin e avantazhit. (VIDEO)
10’ Të dy skuadrat nuk gjejnë hapësira për të tentuar portën në këto minuta, me aksionet që përfundojnë pa hyrë në zonën kundërshtare.
7’ Harkim në zonë nga e djathta e sulmit korçar, Çuka me kokë gjuan por Qirko devijon mbi traversë. (VIDEO)
5’ Rashica nga e majta tenton portën, sfera devijohet dhe shkon në anën tjetër ku Çucka nuk ia del të gjuajë.
1’ Nis dueli në Korçë.
FORMACIONET ZYRTARE
Skënderbeu: Alia, Vaskez, Rabiu, Dumfur, Vangjeli, Krasniqi, Merlim, Çuçka, Zenullari, Rashica, Rezak
Trajner: Ivan Gvozdenoviç
Partizani: Qirko, Janjeva, Sembene, Preka, Ismaili, Buxhelaj, Kote, Taipi, Keko, Bintsuka, Mba
Trajner: Aleksandar Veselinoviç
