Mançester Sit ka pësuar humbjen e pestë radhazi në të gjitha kompeticionet, duke konfirmuar krizën e thellë që po kalon, pasi është mundur sot në shtëpi në Premier Ligë nga Totenhemi. Ka qenë një humbje e thellë me shifrat 4-0, thuajse e paimagjinueshme për një skuadër të drejtuar nga Pep Guardiola, i cili shënoi kështu një tjetër rekord negativ në karrierën e tij, me humbjen e pestë radhazi.
Siti nuk mundej prej 52 ndeshjesh radhazi në shtëpi, një rekord ky për klubin, por që u bë i qartë se mund të përfundonte që në pjesën e parë kur Haland gaboi para portës së Vikarios, ndërsa Medison mposhti dy herë Ederson pa kaluar 20 minuta lojë.
Londinezët më pas u mbrojtën më mirë, pa lënë hapësira, ndërsa goditën rrufeshëm në anën tjetër me Porro në fillimin e pjesës së dytë për të thelluar diferencën. Siti nuk kishte forcë të shënonte në portën e miqve, të cilët vulosën fitoren e thellë 4-0 falë Xhonson në shtesën e ndeshjes.
Mançester Siti-Totenhem 0-4
15’, 20’ Medison, 53’ Porro, 90’+3’ Xhonson
Goli i parë i Medison (VIDEO)
Goli i dytë i Medison (VIDEO)
Goli i Porro (VIDEO)
Goli i Xhonson (VIDEO)
PANORAMASPORT.AL
NDIQE LIVE "PANORAMA TV" © Panorama.al
