Guvernatori i rajonit lindor të Donetskut, Pavlo Kyrylenko, është shkarkuar nga presidenti ukrainas, Volodymyr Zelensky.
Lajmin e kanë bërë të ditur mediat e huaja, sipas të cilave, ai është zyrtari i fundit i shkarkuar, në valën e shkarkimeve të ditëve të fundit.
Mësohet se presidenti ka nënshkruar një dekret për të shkarkuar Kyrylenko nga detyra e tij, i cili ka qenë në këtë post që nga korriku 2019.
Përfaqësuesi i qeverisë, Taras Melnychuk, tha në Telegram se ministrat e kabinetit në Ukrainë kishin miratuar shkarkimin e z. Kyrylenko.
Kujtojmë se gjatë kohëve të fundit në Ukrainë ka pasur një valë të lartë shkarkimesh të zyrtarëve, pasi vendi i ka shpallur luftë korrupsionit.
NDIQE LIVE "PANORAMA TV" © Panorama.al
