Kryetari i Grupit Parlamentar të PD, Gazment Bardhi thotë se kreu i Gardës së Republikës është zgjedhur para ndryshimeve në ligjin për gardën.
Në fjalën e tij në Kuvend, Bardhi kërkoi që të ngrihet një komision etike dhe të hetohet si erdhi ligji dhe pse u votua.
“Dua të ngre një çështje për procedurë por që dëshmon si është katandisur Kuvendi. Më 10 shtator 2024 ministri Brendshëm njoftoi se pas një konkurrimi të madh na kishte zgjedhur drejtorin e ri të Gardës.
Në fakt drejtori ishte zgjedhur para ndryshimeve në ligjin për gardën e republikës.
Ligjet me porosi janë kthyer në traditë për këtë mazhorancë
Në përputhje me kodin e etikës, të ngrini një komision etike dhe të hetoni si erdhi ligji, kush e solli, pse u votua. Jemi para një ligji të porositur që përben korrupsion”, tha Bardhi.
NDIQE LIVE "PANORAMA TV" © Panorama.al
