Një moshuar ka humbur jetën pasi banesa ku ai jetonte u përfshi nga flakët. Ngjarja e trishtë ka ndodhur në fshatin Shtoj i Vjetër, ku zjarri në banesa ra aksidentalisht.
Viktima është identifikuar si Gjek Prronaj, ndërsa policia po punon për përcaktimin e saktë të shkakut të rënies së zjarrit.
“Rreth orës 21:35, në fshatin Shtoj i Vjetër, dyshohet se aksidentalisht ka rënë zjarr në banesën e shtetasit Gj. P., 80 vjeç.
Si pasojë e zjarrit, ka humbur jetën shtetasi Gj. P, i cili jetonte i vetëm.
Grupi hetimor nën drejtimin e Prokurorit po punon për përcaktimin e saktë të shkakut të rënies së zjarrit”, tha policia.
NDIQE LIVE "PANORAMA TV" © Panorama.al
