Princeshë Geraldinë feston sot ditëlindjen dhe sigurisht nuk kishte si të mungonte urimi i veçantë nga nëna e saj, Elia Zaharia.
Për këtë 4-vjetor Elia Zaharia zgjodhi që të ndante me ndjekësit e saj në Instagram foto familjare të Princeshë Geraldinës me gjyshin, gjyshen dhe dajën Amos.
Krahas fotoalbumit Elia ka bërë një dedikim të veçantë për të bijën.
“Sot dielli i jetës time feston ditëlindjen e katërt. Ky diell dashurie ngroh zemrat tona duke i dhënë jetës ngjyrat më të ëmbla! Unë si mami i jam falenderuese Zotit çdo ditë për këtë bekim që me një buzëqeshje ma përkëdhel shpirtin sapo hap sytë në mëngjes.
Zoti të dhëntë shëndet e ta zbukuroftë jetën me dashuri, me mirësi, e qofsh kurdoherë një zemër e bardhë dhe e gëzuar! Uroj që e qeshura jotë e çiltër të burojë kurdoherë për të ndriçuar këdo që të ka pranë! Sa e mrekullueshme është jeta me ty Geraldinë!”, shkruan Elia Zaharia në Instagram.
Disa muaj më parë Elia Zaharia dhe Princ Leka u divorcuan.
Divorci i Elias dhe Princit bëri bujë në media pas publikimit të videos ku, Elia Zaharai debatonte me zë të lartë me Princin.
Princ Leka zyrtarizoi lidhjen me partneren e tij, Blerta Celibashi, në një festë miqësie në SHBA, disa muaj pas zbulimit të lidhjes së tyre, ndërkohë që 42-vjeçari ishte ende i martuar me aktoren Elia Zaharia dhe ndarja e çiftit nuk ishte bërë publike.
Në fotot e publikuara shihen Princ Leka dhe Blerta të cilët pozuan të kapur për dore dhe të buzëqeshur para kamerës.
Mbi 20 familje mbretërore nga e gjithë bota, morën pjesë në ceremoninë luksoze.
